Æгъдауыл аудынц

Цæгат Ирыстоны сбæрæг кодтой Навруз - ног азы бæрæгбон пысылмæтты къæлиндармæ гæсгæ. Райсомæй Дзæуджыхъæуы сæйраг парчы цыдысты кадджын мадзæлттæ. Сарæзтой сæ 3 диаспорæйы минæвæрттæ: узбекаг, таджикаг æмæ азербайджанаг. Æрбацæуджытæн акодтой зарджытæ, сæ размæ сын рахастой аив кæфтытæ дæр. Уæдæ æнæ скæсæйнаг хæринæгтæ æмæ адджинæгтæй дæр бæрæгбон не сфидыдтаид, уазджыты хорз федтой уыдонæй. Равдыстой ма сын документалон кинонывтæ, иннæ адæмыхæттытæ Навруз куыд бæрæг кæнынц, уый. У уалдзыгон бæрæгбон, нысан кæны æрдзы ног æндидзæн æмæ цардыуаджы ног рацарæзт. Йæ ном - йæ уæлæ - ирон æвзагмæ тæлмацæй амоны «Ног бон». Цæгат Ирыстоны йæ бæрæг кæнынц 12 мин адæймагæй фылдæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv