Номарæн мадзæлттæ

Фыдыбæстæйы Стыр Хæсты Уæлазы боны кадæн мадзæлттæ абон фæткмæ гæсгæ ацыдысты нæ республикæйы. Хицауады уæнгтæ, министрадты разамонджытæ æмæ ведомствоты кусджытæ, стæй тыхы структурæты минæвæрттæ абон æрымысыдысты Фыдыбæсты Стыр Хæсты чи фæмард, уыдоны нæмттæ. Кадджын мадзалы архайдта Цæгат Ирыстоны сæргълæууæг Битарты Вячеслав. Уый фæстæ æрбацæуджытæн равдыстой Хæсты рæстæг цавæр хæцæнгарзтæй архайдтой, уыдон, стæй ныртæккæ дæр цæмæй ифтонг сты æфсæддонтæ, уыдон дæр. Намысы Аллеяйы, республикæйы цæрджытæн бацæттæ кодтой цымыдисаг равдыст. Акодтой хæстон зарджытæ. Бынаты уыди æфсæддорн техникæйы равдыст. Ацы хæдтулгæтæтыл архайдтой Сирии хæстон цауты. Æрбаластой сæ республикæйы сæргълæууæджы æмæ Уæрæсейы хъахъхъæнынады министрады хъæппæрисæй. Зæгъын хъæуы уый æмæ ахæм кадджын мадзал Цæгат Ирыстоны бацæттæ кодтой фыццаг хат. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv