Æрыгон «Стъалытæн»

Цæгат Ирыстоны курдиатджын зарæггæнджытæн сæ бон у сæ зарджытæ музыкалон студийы лæвар ныффысын. Ахам фадат фæзынд музыкалон æркаст «Зарæг»-ы уæлахиздзаутæн. 30 адæймаджы сæ курдиат æвдыстой дыууæ номинацийы: эстрадон зарджытæ æмæ этно-вокалы. Уæлахиздзаутæн радтой сертификат, уый руаджы Дзæуджыхъæуы музыкалон студитæй иуы лæвар сæ зарджытæ ныффысдзысты. Цæгат Ирыстоны ацы проект фæзынд Саутæты Дарьяйы руаджы. Уый форум «Таврида»-йы рабылдта грант. Саутæты Дарья куыд зæгъы афтæмæй нæ республикæйы бирæ курдиатджын фæсивæд ис кæцытæн хъæуы баххуыс кæнын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv