Пансионат «Сосновая роща»-йы сарæзтой цымыдисаг программæ хистæр кары адæмæн

Пансионат «Сосновая роща»-йы кусы программæ «Активное долголетие». Уый хуыздæрырдæм ахады ацæргæ адæмы æнæниздзинад æмæ царды хæрзхъæддзинадыл. Санаторийы сын сарæзтой менталон арифметикæимæ базонгæ уæвыны ахуыртæ. Уый уаджы къухтæ æмæ æнгуылдзтæ лыстæг куыстытæм хуыздæр фæарæхсынц, сæры магъз дæр хуыздæр кусын райдайы. Уæдæ иу архайдыл сæ хъуыдытæ фылдæр æнувыдæй фæдарныц. Уымæй уæлдай ма пенсионертæ бийгæ дæр фæкæныц. Стæй сын фадат ис спортмæ æмхиц уæвынæн дæр. Ныртæккæ сæхи цæттæ кæнынц шахматты æмæ шашкæты турнирмæ.