Театрдзауты цинæн

Паддзахадон Дыгурон Драмон театр байгом кодта йæ 23-æм сезон. Адæм зардиагæй бацин кодтой, сæ уарзон артистты уынынæн та сын нырæй фæстæмæ фадат кæй уыдзæн, ууыл. Уæдæ сæ Дыгурон театр дæр хъуамæ фыдæнхъæл ма фæкæна. Театры разамынды минæвæрттæ сын зæрдæ бавæрдтой раздæры спектакльтæ `вдисынæй. Уæдæ сценæйыл фенæн уыдзæн ног пьесæтæ дæр. Æвæрдзысты сæ куыд нæхи режиссертæ, афтæ искæцæй хонгæтæ дæр. Сезон байгом кæныны тыххæй та уал равдыстой спектакль «Художник», зæгъгæ. Баст у Тугъанты Махарбеджы сурæтимæ. Пьесæ ныффыста нæ республикæйы адæмон артист Гæлæуты Анатолий. Театрдзауты размæ та йæ рахаста Цæгат Ирыстоны сгуыхт артист, режиссер Уалыты Гиви. Сæйраг ролтæ дзы ахъазыдысты Цæгат Ирыстоны адæмон артист Тогойты Анатолий æмæ æрыгон артист Еналдыты Дмитрий. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv