Кæсагдарыны куыст Цæгат Ирыстоны 2025-æм азмæ фæнд кæнынц 30 хатты фæфылдæр кæнын

Кæсагдарыны куыст Цæгат Ирыстоны 2025-æм азмæ фæнд кæнынц 30 хатты фæфылдæр кæнын. Пъланмæ гæсгæ, осетр æмæ валеркæсаджы мыггаг 1 минæй – 30 мин тонны онг хъуамæ сырæза. Ахæм куыст кæндзысты бынæттон кондад парахат кæныны программæйы фæлгæты. Уый тыххæй хъусын кæны нæ республикæйы хъæууон хæдзарады министр Уазиты Хъазыбег. Йæ ныхæстæм гæсгæ, кæсагдарыны куыст ныртæккæ уæлдай фылдæр парахат кæны нæ республикæйы, уый тыххæй ис æппæт фадæттæ. Экспертты хъуыдымæ гæсгæ, уыдонмæ хауы куыд техникон ифтонгад, афтæ æмбæлгæ æрдзон уавæртæ дæр. Фарон аз, кæсагдарыны куджытæ сæ кондад фæфылдæр кодтой 978 тонны. Уазиты Хъазыбеджы ныхæстæм гæсæг, уый хорз бæрæггæнæн у. Бафтаудзыстæм ма уый æмæ ныртæккæ Цæгат Ирыстоны цадты фæзуат 1 867 гектарæй фылдæр кæй у. Профилон министрады куыд хъусын кæнынц, афтæмæй хæстæгдæр рæстæг ноджы 100 гектары фæзуатыл кæсаджы мыггаг фæфылдæр кæндзысты грантты æххуысæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv