Куыст базмæлд

Битарты Вячеслав фембæлд компани «СПДМ»-ы разамындимæ. Компани йæ цæст дары хæххон-рекреацион комплекс «Мамысон»-ы арæзтмæ. Республикæйы сæргълæууæг абон суазæг кодта СПДМ-ы генеалон директор Вольфганд Майнхоффер æмæ коммерцион директор Сергей Воробьевы. Компанийы минæвæрттæ иу æмæ дыууæ хатты нæ бабæрæг кодтой, бæстыхай арæт хъуамæ кæм æрцæуа, уыцы бынæттæ. Зонынц, цавæр уавæртæ æмæ дзы цы фадæттæ ис фæлладуадзæн бынат саразынæн. Уазджытæ республикæйы разамындæн равдыстой проект куыд уыныц, уый. Ахсджиагдæр программæ «туризм»-ы сæргълæууæг Карсанаты Олег куыд радзырдта, афтæмæй бæстыхайы саразынмæ хъавынц 3,5 мин хуыссæн бынаты, стæй 30 фысымуатæй фылдæр. Проектыл цы компани куса, уымæн хъæудзæн мидæггаг инженерон хызтæ æмæ инфраструктурæ саразынæн сметæйы гæххæттытæ бацæттæ кæнын. Уæ зæрдыл уын æрлæууын кæндзыстæм, 2019-æм азы уæрæсейы хицауад рагагъоммæй куыстытæн радих кодта 100 милуан сомы. Уыцы æхца æмæ ма республикон бюджетæй 20 милуан сомы хардзгонд æрцæудзысты «Мамысон»-ы комплексы проектон-сметон гæххæттытæ бацæттæ кæнынæн. Республикæйы разамынд фæнд кæны дарддæр дæр проект аразæг компанитимæ æмбæлын, уыимæ ма æппæтадæмон æмвæзы дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv