Зæрæмæджы фыццæгæм гидроэлектростанцæ фидæны райдайдзæн кусын  Æрыдоны доныл

Зæрæмæджы фыццæгæм гидроэлектростанцæ фидæны райдайдзæн кусын  Æрыдоны доныл. Объекты цæттæдзинад сбæрæг кодтой республикæйы сæргълæууæг Битарты Вячеслав æмæ куыстуат «РусГидро»-йы генералон директор Николай Шульгинов. Ныридæгæн гироэлектростанцæйы фæлварынц электрон тыхдæттæг гæрзтæ. Тъунелы хæрзхъæддзинад, уыимæ ма станцæйы æддаг бакаст саив кæныныл дæр архайынц. Зæрæмæджы фыццæгæм ГЭС-ы сæвæрдтой 346 мегават тых кæмæ ис, ахæм дыууæ турбинæйы. Афæдзмæ бакусдзæн 850 милуан киловат сахаты. Ацы турбинæтæ нæ бæстæйы уыдзысты æппæты стырдæртæ. Уæдæ йæ тъунелы дæргъ та у 14254 метры. Зæрæмæджы ГЭС кусын куы райдайа, уæд республикæйы бюджет фæфылдæр уыдзæн хъалонты фæрцы. Уый та хорзы `рдæм фæзындзæн республикæйы райрæзтыл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv