Уæрæсейы синоптиктæ хъусын кæнынц æппæты тæвддæр бонты тыххæй

Уæрæсейы синоптиктæ фехъусын кодтой, æппæты тæвддæр бонтæ ныл кæд скæндзæн, уый. Цалдæр боны размæ уыдис сæрдыгон Хурхæтæн. Ныр бон кæндзæн къаддæр, уæлдæфы температурæ та - бæрзонддæр. Уæрæсейы тæккæ тæвддæр рæстæг ралæууы июлы кæрон æмæ августы райдиан. Ацы хатт дæр та нæ синоптиктæ уымæй фæдзæхсынц. Уыимæ æппæты бæрзонддæр нымæцтæ раиртасæн вæййы нæ бæстæйы хуссар хайы æмæ Волгæйы донбакæлæны. Йæ фæллад денджызы былтыл чи уадзы, уыдоны дæр, синоптикты хъуыдымæ гæсгæ, рæстæг хæрзмæ ауддзæн. Хи найынæн денджызы уылæнтæ фаг хъарм уыдзысты. Фæззæджы райдиан дæр хъуамæ рауайа хъарм. Бирæтæ сæ фæлладуадзæн рæстæг уæдмæ снысан кæнынц æмæ, синоптикты загъдау, ацы аз дæр та уымæй нæ фæрæдийдзысты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv