Интернеты ног фæлтæр - 5G

Уæрæсейы Федерацийы хицауады сæрдар Дмитрий Медведев рахаста бастдзинады лæггæдтыл бакусыны тыххæй уынаффæ. Йæ ныхæстæм гæсгæ, æппæт къабæзты специалисттæ дæр кусдзысты нæ бæстæйы чырæ бастдзинады фæндзæм фæлтæр, кæнæ та, «5G» саразыныл. Уый ахсджиаг фарста у. Радих кæндзысты сæрмагонд фæрæзтæ æмæ ног хуызы телтæ, цæмæй бастдзинады раззагдæр хуыз куса æнæкъуылымпыйæ. Уыимæ, дæрддзæф районты дæр. Мобилон оператортæ зæрдæ бавæрдтой, бастдзинад дунеон домæнтæн дзуапп кæй дæтдзæн, уымæй.  Æххæстгонд та хъуамæ æрцæуа 2019 азмæ. Дмитрий Медведев бæрнон кусджытæн бабар кодта чырæ бастдзинады лæггæдтæ нæ бæстæйы парахат кæнын. Хъуамæ иннæтæй дæлдæр ма уæм, нæ бæстæйы цæрджытæ та хъуамæ дунеон техникон æмæ электрон ногдзинæдтимæ æмдзу кæной. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv