Æвæстиатæй раргом кодтой давды хъуыддаг

Мидхъуыддæгты министрады кусджытæ æвæстиатæй раргом кодтой давды хъуыддаг. Пъæлицæйы радхæссæг хайадмæ фæхабар кодтой, тамако уæйгæнæн дуканийæ æхца кæй адавтой, уый тыххæй. Бабырст хи цæстæй федта бынæттон цæрæг. Йæ ныхæстæм гæсгæ, дыууæ æнæзонгæ нæлгоймаджы бавдæлыдысты æмæ æмбисæхсæв йæ зонгæйы дукани сафтид кодтой. Товар сæвгæдтой сæ рог хæдтулгæйы æмæ йыл ацыдысты. Дуканийы хицауы зонгæ æвæстиатæй пъæлицæмæ бадзырдта, йæхæдæг та сæ фæд-фæд фæраст. Пъæлицæйы кусджытæ цырд фæлæууыдысты. Слестгæнæн къорд байхъуыста, цавæртæ уыдысты давджытæ æмæ сæ бæрæггæнæг миниуджытæ, уымæ. Пъæлицæйы радхæссæг къордтæн сæ фæхабар кодтой. Уыимæ ма æрфарстой æвдисæнты дæр. Давджытæ разындысты нæ республикæйы 22 æмæ 34-аздзыд цæрджытæ. Иу дзы раздæр дзуапп лæвæрдта тæрхондоны раз уголовон кодексы алыхуызон статьятæм гæсгæ. Закъонхалджыты æрбаластой пъæлицæйы хайадмæ. Цы ' хца адавтой, уыдон фæстæмæ райстой. Зиан та æрхастой 368 мин сомæн. Ныртæккæ слестгæнæн оргæнтæ байгом кодтой уголовон хъуыддаг. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv