Завод «Электроцинк»-ы раздæры фæллойгæнджытæ райдыдтой ног куысты бынæтты архайын

Ног ахуырадон æмæ дæсныйадон курсытæ ацæудзысты Завод «Электроцинк»-ы раздæры кусджытæ дæр. Уый тыххæй хъусын кæны нæ республикæйы куыстдæттыны комитет. Иу мин æмæ 500 адæймагæй фылдæр ныр сты куыстагурæг. Фæлæ сын, сæ уавæр æнцондæр кæнынц бæрнон кусджытæ. Ныридæгæн ног куыст ссардтой 27 адæймагæн. Æдыппæтæй комитеты сæрмагонд хыгъды ис 1 мин æмæ 70 æгуыст адæймаджы. Абон сæ нымæц фæкъаддæр. Куыд, уый базыдта нæ уацхæссæг Къутæрты Аидæ. Дæттæм ын ныхасы бар. Анатолий Меркедонов куыстуат «Бавария»-йы æрæджы райдыдта фыдæбон кæнын. Нæлгойуаг уымæй размæ куыста завод «Электроцинчы». Куыд зæгъы, афтæмæй йæ ног куысты бынайæ зæрдæмæ цæуы. Анатолий Меркедонов - завод «Электроцинчы» раздæры кусæг: «Электроцинк» зынгсирвæзты аххосæй куы сæхгæдтой, уæд æнæ куыстæй баззадтæн. Раздæр дæр ма мæ фæндыд «Бавария»-йы кусын, фæлæ мæ къухы нæ бафтыд. Фыццаг куы рбацыдтæн уæд мæ рæстæгмæ райстой кусынмæ. Фæлæ ныр ам кусын электрикæй». Ныртæккæ завод «Электроцинчы» кусджытæ агуырынц ног бынæттæ. Æдæппæтæй иу мин адæймагæй фылдæр. Æгуыстæй `ййафынц бирæ къуылымпыдзинæдтæ. Бирæтæ сæ дарынц хæстæ. Сæ фылдæр фидынц ипотекæ. Кæй зæгъын æй хъæуы, сты фæкæсинаг. Республикæйы куыстдæттыны комитеты нын куыд фехъусын кодтой, афтæмæй куыстуат «Электроцинчы» фæллойгæнджытæ сабыргай ног бынæттæм раивдзысты. Хуыдзиаты Ацæмæз, РЦИ-А куыстдæттыны комитеты хайады сæрдар: «Æрæджы нæ республикæйы завод «Электроцинчы» фæллойгæнджытæн арæзт рцыд куысты армукъа. Йæ саразыны хъæппæрис сæвзæрд нæ горæты 30 амалхъом адæймагмæ. Армукъа ацыд Металлургты культурæйы галуаны. Уым адæмы рæгъмæ рахастой бирæ дæсныйæдтæ». Армукъайы фæрцы куысуæтты разамонджытæн зæрдæ бавæрдтой, ацы ахсджиаг хъуыддаджы кæй баххуыс кæндзысты. Дæсны специалисттæ алы ран дæр хъæуынц. Куыстдæттыны комитеты минæвæртты ныхæстæм гæсгæ, цæмæй заводы раздæры фæллойгæнджытæ куыст тагъддæр ссарой, уый тыххæй сæ хъæуы куыстуатæй сæ фиддонтæ райсын, æмæ ног бынатмæ бацæуын. Хуыдзиаты Ацæмæз, РЦИ-А куыстдæттыны комитеты хайады сæрдар: «Ныртæккæ раздæры кусджытæ фæстаг фиддонтæ куы райсой, уæд æнæмæнгæй хъуыддаг фæтагъддæр уыдзæн, æмæ адæм ног куысты бынæттæ ссардзысты». Ныртæккæ «Электроцинчы» æгуыст адæмæй ног фыдæбоны бынæттæ ссардтой 27 адæймаджы. Цы армукъатæ аразынц, уыдон та уыдзысты æрвылазон. Къутæрты Аидæ _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv