Сергей Меняйло амыдта радон аппаратон æмбырд
Грипп æмæ æхснырсæгимæ рынчынты нымæц эпидемиологон æмвæзадæй къаддæр у. Стационарты дзæбæх кæнынц 66 адæймаджы, уыдонæй 49 сты сывæллæттæ. Уый тыххæй фехъусын кодтой аппаратон æмбырды. Æнæниздзинад хъахъхъæнынады министр Тебиаты Сослан куыд радзырдта, афтæмæй афæдзы райдианæй льготæтимæ хостæн рафыстой 37 мин рецепты. Æрдзырдтой ма сывæллæтты рæвдауæндæттæ бындурон цалцæгмæ цæттæ кæныныл. Курдиæттæ исыны кампани райдайдзæн иу мæйы фæстæ. Дзуапдæттæг министр Алыбегты Эллæ куыд фехъусын кодта, афтæмæй ныридæгæн цæттæ сты 33 сметæйы, уæлæмхасæн ма бацæттæ кæндзысты 46. Уалдзыгон-сæрдыгон афонмæ цæттæгæнæн мадзæлтты фæлгæты Дзæуджыхъæуы райдыдтой Пушкины номыл сквер аив кæнын. Иннæ æхсæнадон бынæтты фæдыл дæр контракттæ фыст сты. Уый тыххæй Сергей Меняйлойæн фехъусын кодта горæты администрацийы сæргълæууæг Милдзыхты Вячеслав.
Грипп æмæ æхснырсæгимæ рынчынты нымæц эпидемиологон æмвæзадæй къаддæр у. Стационарты дзæбæх кæнынц 66 адæймаджы, уыдонæй 49 сты сывæллæттæ. Уый тыххæй фехъусын кодтой аппаратон æмбырды. Æнæниздзинад хъахъхъæнынады министр Тебиаты Сослан куыд радзырдта, афтæмæй афæдзы райдианæй льготæтимæ хостæн рафыстой 37 мин рецепты. Æрдзырдтой ма сывæллæтты рæвдауæндæттæ бындурон цалцæгмæ цæттæ кæныныл. Курдиæттæ исыны кампани райдайдзæн иу мæйы фæстæ. Дзуапдæттæг министр Алыбегты Эллæ куыд фехъусын кодта, афтæмæй ныридæгæн цæттæ сты 33 сметæйы, уæлæмхасæн ма бацæттæ кæндзысты 46. Уалдзыгон-сæрдыгон афонмæ цæттæгæнæн мадзæлтты фæлгæты Дзæуджыхъæуы райдыдтой Пушкины номыл сквер аив кæнын. Иннæ æхсæнадон бынæтты фæдыл дæр контракттæ фыст сты. Уый тыххæй Сергей Меняйлойæн фехъусын кодта горæты администрацийы сæргълæууæг Милдзыхты Вячеслав.