Ирыстоны культурæ - Ростовы

Ростовы уыд Цæгат Ирыстоны национ культурæйы бон. 12 скъолайы скъоладзаутæ æмæ сæ ахуыргæнджытæ базонгæ сты ирон адæмы æгъдæуттимæ. Бæрæгбоны райдиан уазджытæ радзырдтой нæ республикæйы истори æмæ литературæйы тыххæй. Скъоладзаутæ базонгæ сты, нæ рагфыдæлтæ скифтæ æмæ алантæ кæй уыдысты, уыимæ, ирон адæмы хæзнатæй иу – Нарты кадджытимæ. Уазджытæ ма радзырдтой Ирыстоны ныры цардыуаджы тыххæй. Республикæ куыд цæры, национ æхсæнадты `хсæн цы бастдзинад ис, уый тыххæй. Фысымты зæрдæмæ уæлдай тынгдæр фæцыдысты нæ республикæйы æрдзы рæсугъддзинæдтыл ист видеоæрмæджытæ. Фембæлды кæронбæттæн та сын равдыстой ирон уæздан хонгæ кафт. Равæрдтой сын ирон хæринæгтæй фынг. Бирæтæ дзы фыццаг хатт сахуыстой чъиритæй. Мадзал аразджыты хъуыдымæ гæсгæ, дыууæ регионы хсæн фæсивæды æмархайд кæндзæн фидардæр æмæ æнгомдæр. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv