Дзæуджыхъæуы кæронмæ æрхæццæ эндуройæ чемпионат

«Эндуро», зæгъгæ, ерыстæ мотоциклтыл ахицæн сты Дзæуджыхъæуы. Сæ арæхстдзинад дзы æвдыстой нæ бæстæйы алы регионты 40 минæвары. Ахизын сæ хъуыд 25 километры дæрддзæгыл. Ерысты ном «эндуро» латинаг æвзагæй тæлмацгæнгæйæ амоны «фæразон». Ахæм хъуамæ уа алы мотоциклист дæр. Уый уымæн, æмæ сæ размæ уыдис цæхгæр къуыбыртæ, ламийы малтæ æмæ афтæ дарддæр. Спортсментæ сыл хъуамæ фæтых уыдаиккой 1 сахатмæ. Стыр æххуыс сын фесты сæ ног мотоциклтæ дæр. Зæгъын ма хъæуы уый, æмæ эндуройæ ерыстæ йæ архайджыты сæхимæ `лвасынц хæдбардзинадæй, цымыдисаг æддаг бакастæй, стæй дзы бирæ хæрдзтæ кæй нæ хъæуы, уымæй. Фыццаг хатт дзы ерыстæм сæмбæлдысты Цæцæны спортсментæ дæр. Уæлахиздзау та дзы ссис Стъараполы иугонд командæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv