Уæрæсейы хицауад рахай кодта 5 млрд сомæй, цæмæй регионтæн фадат уа туаггуыры концентраттæ балхæнын

Уæрæсейы хицауад рахай кодта 5 млрд сомæй фылдæр, цæмæй регионтæн фадат уа туаггуыры концентраттæ балхæнын æмæ сæ рынчындæттæм фæхæццæ кæнын. Сæрмагонд уынаффӕ бафыста премьер-министр Михаил Мишустин. Цæгат Ирыстон уыцы мадзæлттæн райсдзæн 97 милуан сомы. Концентраттæ æххуыс уыдзысты, рынчындоны пациенттæй улæфт кæмæн нӕ фаг кӕны, уыдонæн. Сæрмагонд кусæнгарзæн ис стыр хъомыс. Минутмæ йæ бон у бацӕттӕ кӕнын мин литрӕй фылдӕр. Михаил Мишустин æнæниздзинад хъахъхъæнынады министрадæн бабар кодта æппæт хъæугæ бадзырдтæ регионтимæ цыбыр рæстæгмæ бафыссын. Туаггуыры концентраттæ регионтæм фæхæццæ кæнын хъæудзæн æвæстиатæй. Уыцы-иу рæстæг хицауады сæрдар промышленность æмæ базарады министрадæн бахæс кодта фæлхасадон хъӕугӕдзинӕдтӕ рагагъоммæ бæрæг кæнын. Августы ма туаггуыры концентраттæ балхæнынæн Уæрæсейы фæстауæрцгæнæн фондæй рахай кодтой 651 милуан сомы бæрц. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv