Æнæкусгæ бонты Цæгат Ирыстоны прививкæгæнæн пункттæ дарддæр сæ куыст кæнынц

Æнæкусгæ бонты рæстæг вакцинаци чи цæуы, уыдоны нымæц Цæгат Ирыстоны дыууæ хатты фæфылдæр. Уый тыххæй аппаратон æмбырды радзырдта æнæниздзинад хъахъхъæнынады министры хæстæ рæстæгмæ æххæстгæнæг Тебиаты Сослан. Вакцинацигæнæн пункттæ республикæйы кусынц бæлвырд фæткмæ гæсгæ. Ифтонг сты хъæугæ компоненттæй. Прививкæйы размæ хъæуы ацӕуын медицинон æркаст: пациентмæ хъуамæ ма уой хæцгæ низты миниуджытæ. Дарддæр алчидæр бафыссы сæрмагонд гæххæт, вакцинациимæ разы кæй у, уый фæдыл. Вакцинаци йæхæдæг бацахсы цалдæр секунды. Инъекци чи скæны, уыдонæн дыууæ боны фæстæ пайда кæнæн вæййы сæрмагонд QR-кодæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv