Дзæуджыхъæуы политехникон училищæйы фæзынд студенттæй арæзт бригадæ

Дзæуджыхъæуы политехникон училищæйы фæзынд студенттæй арæзт электрикты бригадæ. Сæрмагонд къорды ис 15 ахуырдзауы. Сты «Техникон эксплуатаци, электрон æмæ электромеханикон кусæнгарзмæ цæстдард» -ы факультеты студенттæ. Бригадæйæн разамынд дæттынц фæлтæрдджын специалисттæ. Æрыгон студенттæ, се ’хсæн ма рауагъдонтæ дæр, кæнынц электрикæимæ баст профессионалон куыстытæ. Сæ зонындзинæдтæй, фыцаджыдæр, спайда кодтой сæ техникумы. Сарæзтой дзы электромонтажон куыстытæ, уыимæ æддаг къул дæр рухсгæнæнтæй саив кодтой, цæмæй талынджы бæстыхайы архитектурæ ирддæрæй зына. Бригадæ йæхи дæсныйæ равдыста Дзæуджыхъæуы планетарийы рацарæзтыты. Ахуырадон æмæ социалон объектты æвзонг специалисттæ кæй кусынц, уый техникумы директор Бирæгъты Давид нымайы хорз практикæйыл. Уый руаджы рауагъдонтæн хъæздыгдæр кæндзæн сæ фæлтæрддзинад, уыимæ куыст ссарæн дæр сын уыдзæн æнцондæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv