Республикæйы ацыд æнæхицау куыйты стерилизаци

Республикæйы ацыд æнæхицау куыйты стерилизаци. Бынæттон бархионты фарсмæ балæууыдысты Новосибирскы специалисттæ. Æртæ боны дæргъы хирургтæ скодтой 200 операцийæ фылдæр. Сæ фæлтæрддзинад æмæ куысты сусæгдзинæдтæ нæ бавгъау кодтой бынæттон специалисттæн. Ацы уаты цыппæркъахыг хæлæртты стерилизаци цæудзæн суанг изæрмæ. Новосибирскы бархионтæ æртæ бонмæ скæндзысты 250 операцийы. Уый сæм рагæй нал кæсы зын куыст. Бæстæйы иннæ регионтимæ æмгуыст æмæ 10 азы ацы къабазы архайды хатдзæг – фæлтæрддзинад. Бархионты сæйраг нысан – ацы операци фылдæр цæрæгойтæн скæнын. Се 'хсæн – сырддоны цы куыйтæ ис æмæ зæрдæхæлар адæм кæй фæхæццæ кæнынц, уыдон. Æмткæй райсгæйæ, республикæйæн ацы æххуыс хъомысджын рауайдзæн. Мадзал аразджытæ ууыл æрлæууынмæ нæ хъавынц. Дарддæр дæр цæрджытимæ иумæ æмархайд кæндзысты. Ныртæккæ сырддоны ис 190 куыдзы. Ветеринартæ сæ алкæмæндæр хъуамæ скæной операци стерилизацийы фæдыл. Фæлæ ам бынаты кусы æрмæст дыууæ дохтыры. Æнæхæдзар куыйтæ уый бæрц сты, æмæ сыл специалисттæ не 'ххæссынц. Бархионтæ сын æппынæдзух æххуыс кæнынц, фæлæ арæх уый дæр фаг нæ вæййы. Новосибирскы бархионтæ ма ардæм ссæуынвæнд кæнынц фидæны аз. Сæхæдæг куыд зæгъынц, афтæмæй, кæд са рæзмæвæрд хæстæ сæххæст кæной, уæд Цæгат Ирыстоны æнæхицау куыйтимæ баст фарста хæстæгдæр рæстæг иуварсгонд æрцæудзæн.