Адæмы фехъусын

Адæмы цы фарстатæ тыхсын кæнынц, уыдон æвæстиатæй хицауадмæ хæццæ кæнын - ахæм хæс Битарты Вячеслав сæрмагонд æмбырды сæвæрдта йе `ххуысгæнджыты цур. Мадзалы архайдтой республикæйы сæргълæууæджы 130 æхсæнадон æххуысгæнæджы нæ республикæйы алы районтæй. Кадджын уавæры сын радтой сæрмагонд гæххæттытæ. Ног æхсæнадон куысты тыххæй архайджытæ бацæттæ кодтой докладтæ. Æхсæнадон æххуысгæнджыты разамонæг Таучелаты Константин Битарты Вячеславæн загъта бузныджы ныхæстæ, адæммæ ахæм хуызы йе `ргом кæй здахы, уый тыххæй. Æхсæнадон æххуысгæнджытæ республикæйы сæргълæууæгмæ радтой фæрстытæ дæр. Битарты Вячеслав куыд бафиппайдта, афтæмæй адæмы `хсæнмæ хъæуы цæуын. Æрмæстдæр афтæмæй ис базонæн, чи цæмæй тыхсы, уый, æмæ сын æххуыс кæнæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv