Схæццæ сты

Фыццаг 16 спортсмены ссыдысты Цæгат Ирыстонмæ Европæйы чемпионаты боксæй архайынмæ. Сты Великобританийы иугонд командæйы минæвæрттæ. Райсом сæхи ерыстæм цæттæ кæнын райдайдзысты «Alania Fighting», зæгъгæ, залы. Спортсментæн ерыстæ уыдзысты 2020-æм азы Токиойы Сæрдыгон Олимпаг хъæзтытæм цæттæ кæныны радон къæпхæн. Уæ зæрдыл уын æрлæууын кæндзыстæм, Европæйы ерыстæ боксæй æрыгæтты 'хсæн райдайдзысты Дзæуджыхъæуы 8-æм мартъийы. Цæгат Кавказы ахæм турнир сарæзтой фыццаг хатт. Хуыздæр суæвыныл дзы тох кæндзысты 240 спортсмены 39 бæстæйæ. Великобританийы иугонд комæндæйы сæйраг тренер Боб Дилан: «Европæйы ерысты æрыгæтты 'хсæн архайын райдыдтам 3 азы размæ. Иннæ дыууæ турниры уыдысты Румынийы. Алы хатт дæр равзарæм алыхуызон уæзты боксерты, цæмæй сæ Олимпаг хъæзтыты æвзарæн къæпхæнтæм бацæттæ кæнæм». Ерысты архайæг Луис Ричардсон: «Февралы архайдтам Венгрийы æппæтдунеон турниры. Уыдыстæм æндæр бæстæты дæр. Ныр та цæттæ стæм нæ арæхстдзинад Уæрæсейы равдисынмæ». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv