Сергей Меняйлойы разамындæй ацыд аппаратон æмбырд

Донецк æмæ Луганскы йæ цæрæнбынат æнæбары чи ныууагъта, уыдонæн Цæгат Ирыстоны бацæттæ кодтой 14 пункты. Уый тыххæй регионы æнæнхъæлæджы цауты управленийы разамонæг Александр Хоружий фехъусын кодта аппаратон æмбырды. Амыдта йæ республикæйы сæргълæууæг Сергей Меняйло. Александр Хоружий куыд радзырдта, афтæмæй адæмы фылдæр хай республикæмæ фæхæццæ кæндзысты æфсæнвæндаджы транспортыл. Мин адæймагæй фылдæры. Регионы разамонæг бабар кодта, цæмæй 10-æм мартъийы онг республикæ уа цæттæ, Донецк æмæ Луганскæй чи лидзы уыцы адæмы суазæг кæнынмæ. Сергей Меняйло ма куыд бафиппайдта, афтæмæй ныртæккæ Донбассы цæрджытæй бирæтæ сæхи 'гъдауæй цæуынц Цæгат Ирыстонмæ. Уымæй уæлдай ма республикæйы разамонæг бабар кодта, цæмæй цæрджытæн хъусын кæной банчы системæйы куысты тыххæй. Ныртæккæ апарахат ис бирæ мæнг информаци. Бæстонæй цæст дарын хъæуы хойрæгты æргътæм дæр. Æмбырды рæстæг фæнысан кодтой эпидемиологон уавæр дæр. Уæрæсейы фæлхасгæнджытæм цæстдарды управленийы хъусынгæнинагмæ гæсгæ, коронавирус ногæй кæмæ рабæрæг вæййы, уыцы цæрджыты нымæц къаддæр кæны. Æнæниздзинад хъахъхъæнынады министрады бæрæггæнæнтæм гæсгæ, ковид госпитальтæй кæй рафыссынц, уыдоны нымæц ног пациенттæй фылдæр у. Республикæйы дзæбæхгæнæндæтты абонæй сног кодтой диспансеризаци. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv