«Запусти воздушного змея» акци абон сарæзтой Дзæуджыхъæуы

Запусти воздушного змея. Ахæм акци абон сарæзтой Дзæуджыхъæуы. Сбастой йæ федералон каналтæ нымæцон телеуынынадмæ кæй рахызтысты, уыимæ. Акци байгом кодта Цæгат Ирыстоны информацион технологитæ æмæ бастдзинады управленийы разамонæг Сæлбиты Алан. Нæ республикæйæн уыцы хъуыддаг ахсджиаг кæй у, уый фæбæрæг кодта. Акцийы цы бархионтæ архайдтой, уыдонимæ нæ республикæйы спорты министр Гæбулты Владимир та йе` уæнгтæ аивæзта. Стæй, уый фæстæ арвмæ суагътой хи конд кæлмытæ. Алкæуыл дæр дзы уыди нымæцон гæлæбу æмæ регионы ном нывгонд. Ахæм акци абон сарæзтой Уæрæсейы бирæ горæтты. Уæ зæрдыл уын æрлæууын кæндзыстæм, 3 июнæй фæстæмæ Цæгат Ирыстоны, нæ бæстæйы 35 регионтимæ, телеуынынад райдайдзæн кусын æрмæст нымæцон хуызы. Сæлбиты Алан фæбæрæг кодта, нæ республикæ уымæ цæттæ кæй у, уый. Хъæугæ кусæнгæрзтæ балхæдтой. Уæлæфтуантæ æмæ кусæнгæрзтæ куыд аразгæ сты, уый та адæмæн бацамыдтой сæрмагонд номырмæ бадзургæйæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv