Скъолаты рауагъдонтæ хъуамæ 1-æм февралмæ бадæттой сæ курдиат паддзахадон фæлварæн раттынмæ

Цæгат Ирыстоны скъолаты рауагъдонтæ хъуамæ 1-æм февралмæ бадæттой сæ курдиат паддзахадон фæлварæн раттынмæ. Уыцы рæстæгмæ ахуырдзаутæ хъуамæ сбæлвырд кæной, цавæр предметтæ дæтдзысты, уый. Паддзахадон фæлварæн фысдзысты 15 предметæй, сæйрагдæр сты математикæ æмæ уырыссаг æвзаг. Цæгат Ирыстоны ахуырады министрады пресс-службæйы куыд хъусын кæнынц, афтæмæй рауагъдонтæн сæ бон раздæрау бындурон æмæ профилон матæматикæ радтын нал уыдзæн, хъуамæ равзарой дыууæйæ иу. 1-æм февралмæ сæрмагонд гæххæт чи нæ бадæтта, уыдон иртæстытæм бахаудзысты Паддзахадон фæлварæнты къамисы тæрхонмæ гæсгæ. Скъоладзаутæ хъуамæ сæ курдиаттæ ныффыссой, кæм ахуыр кæнынц уыцы скъолайы. Раздæры рауагъдонтæ та - кæм цæрынц уыцы бынæттон хиуынаффæйады оргæнтæм. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv