Цæгат Ирыстоны фæззыгон-зымæгон рæстæгмæ дарддæр цæттæ кæнынц

Цæгат Ирыстоны фæззыгон-зымæгон рæстæгмæ дарддæр цæттæ кæнынц. Уый тыххæй районты сæргълæуджытæ æрныхас кодтой республикæйы хицауады сæрдар Тускъаты Таймуразимæ. Уæлдай æргом аздæхтой цæрæнуæтты- коммуналон хæдзарады объекттæм. Нывыл кæнынц хъармгæнæнтæ, хæтæлтæ. Бирæуæладзыгон хæдзæртты цæттæдзинад зымæгмæ иртасынц. Специалистты ныхæстæм гæсгæ Цæгат Ирыстон зымæгон уазæлттæм цæттæ у 50%. Тускъаты Таймураз зæрдыл æрлæууын кодта, зымæгон рæстæгмæ цæттæдзинады тыххæй дзуапп кæй дæтдзысты районы разамонджытæ. Уыимæ ма кусынц Беслæны Генералон пъланы райрæзтыл. Хæстæгдæр азты пъланмæ гæсгæ сараздзысты ахсджиаг социалон объекттæ. Цæгат Ирыстоны æххæстбарджын минæвар Уæрæсейы президенты цур Дзанайты Барис куыд зæгъы, афтæмæй ацы фарстаты фæдыл экономикон райрæзты федералон министрадимæ архайынц иумæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv