Донуадзæн æмæ донæй ифтонггæнæн хызæгты уавæр Цæгат Ирыстоны у хуыздӕрхъуаг

Ахсджиагдæр хæстæй иу — Реданты донцъирæны фæдзæхст фæзуаты уавæр. Сбæрæг дзы кодтой хуыркъахæн. Æрмæг æнæзакъонæй ластой доны куыстуаты санитарон хъахъхъæнынады фыццаг зонæйæ. Куыстуаты генералон директор Хъараты Тимур журналисттæн куыд радзырдта, афтæмæй доны хæрзхъæддзинадыл уавæр нæ сахадыдта. Иртæстыты хатдзæгтæм гæсгæ, йæ миниуджытæ сты æмбæлгæ. Ныртæккæ басгæрстытæ дарддæр цæуынц. Гæнæн ис, æмæ чидæртæ сæ куыстæй дæр фæхаудзысты. Сергей Меняйло фæнысан кодта, донуадзæн æмæ донæй ифтонггæнæн лæггæдтæ æмбæлгæ хуызы кæй хъаумæ æххæст кæной. Ныридæгæн ног куыстуаты хъæуы иуæй-иу къуылымпыдзинæдтæ аиуварс кæнын. Куыстуат донгуырæнæй сисы 320 кубометры, адæммæ та дзы фæхæццæ вæййы 70 кубометры бæрц. Зæгъæн кæмæн нæй, доны уыцы бæрц сæфы хæрздзæгъæлы. Цæстфæлдахæн митæ дзы кæй цæуы, ууыл дызæрдыг ничи кæны. Цæмæй аххосджынты рохтыл æрхæцой, уый тыххæй сбæрæг кæндзысты 4 минмæ 'ввахс куыстуаты архайд.   Хъараты Тимуры ныхæстæм гæсгæ, дондæттæн хызæджы уавæр у тынг æвзæр. Сæ 80 процентæн æмпъузæн куыстытæ дæр нал æххуыс кæнынц. Цæгат Ирыстон райдыдта цæрæнуæтон-коммуналон хæдзарады системæйы райрæзты программæйы архайын. Федералон фæрæзты руаджы хъуамæ сцалцæг кæной æмæ баивой зæронд хæтæлтæ. Ацы азы февралæй фæстæмæ уал хъалонтæ æмæ куысты мызд фидынæй хæстæ баххæст кодтой - æдæппæтæй 32 милуан сомы. Уыцы æхца æрæмбырд куысты 2 мæйы `мгъуыдмæ. 170 милуан сомы кæм зилдух кодтой, уый та нырма равзарын хъæуы. Стæй ма хъæуы кусджыты мызд дæр фæфылдæр кæнын. Ныридæгæн уал ыл 30 проценты бафтыдтой. Бавналдзысты, фидæнмæ ма сæм цы хæстæ ис, уыдонмæ дæр.