Æрыдоны фæкъахтæуыд банк

Фыдгæнæджытæ бабырстой Æрыдоны банк «Росгосстрах»-мæ æмæ дзы æхца адавтой. Уыцы цау æрцыди изæрæй. Куыд базыдтам, афтæмæй дыууæ нæлгоймаджы, дамбацайæ æртхъирæнгæнгæйæ, бабырстой бæстыхаймæ æмæ банчы кусджытæй æхца бадомдтой. Рахастой дзы 500 мин сомæй фылдæр æмæ алыгъдысты тарбалхуыз «Приорæ»-йыл. Фæстæдæр сын сæ машинæ ссардтой Æрыдоны уынгтæй иуы. Барадхъахъхъæнджытæ фыдракæнд саразынæй зылынджын кæнынц 27 æмæ 24-аздзыд бынæттон цæрæджы. Ныртæккæ куыст цæуы се `рцахсыныл. Пъæлицæйæгтæ адæмæй курынц, цæмæй ацы цауы æвдисæнтæ мидхъуыддæгты хайадмæ фехъусын кæной. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv