Мæздæджы 12-аздзыд скъоладзауы æвæстиатæй арвыстой Мæскуымæ

Мæздæджы 12-аздзыд цæрæг, сæрмагонд медицинон æххуыс кæй бахъуыд, уый æвæстиатæй арвыстой Мæскуымæ. Лæппуйы госпитализаци скодтой Сперанскийы номыл сывæллæтты клиникон рынчындонмæ. Уый тыххæй хъусын кæнынц Æнæнхъæлæджы уавæрты министрадæй. Сæрмагонд хæдтæхæг ифтонг у æппæт хъæугæ медицинон кусæнгæрзтæй. Уыдоны руаджы рынчын фæндагыл дæр æмбæлгæ æххуыс райста. Лæппуимæ уыдысты Æппæтуæрæсеон медицинон центры дохтыртæ æмæ Æнæнхъæлæджы уавæрты министрады кусджытæ. Уæ зæрдыл уын æрлæууын кæндзыстæм, 22-æм октябры Мæздæджы скъолайы дыууæ ахуырдзауы поезды вагæттæй иумæ кæй сбырыдысты. Электрон тыхы телты аххосæй сæ ток ныццавта æмæ сæ бахъуыд æххуыс. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv