Ахсджиаг фарстатæ

Цæгат Ирыстоны зынгсирвæзтыты фæзуат æртæ гектарæй фæфылдæр. Уый тыххæй абон фехъусын кодтой сæрмагонд æмбырды. Сæрдариуæг дзы кодта Битарты Вячеслав.  Зæрдæхсаинагдæр уавæр сæвзæры Мæздæджы районы, Кировы æмæ Горæтгæрон районты. Æрдзон æвæрæнтæ æмæ экологийы министр Мамиаты Чермены ныхæстæм гæсгæ зынгсирвæзт хуыссынгæнынæн районты хицауад нæ аразы æппæт хъæугæ мадзæлттæ. Афтæмæй арæхдæр арт бахъыгдары административон зæххытæ. Барæй знаггад чи хæссы æмæ быдыртыл арт чи бандзары уыдоны хъæуы карздæр æфхæрын - загъта Битарты Вячеслав. Уавæрмæ куыд фæндыйы цæстæй чи кæсы уыцы хицауады та сæ бынатæй исын - фæнысан кодта республикæйы сæргълæууæг. Æмбырды æрдзырдтой 2019 азы фæндæгтæ цалцæггæнæн программæйыл дæр. Фæндæгты хæдзарады комитетæн Битарты Вячеслав бабар кодта программæйыл бæстонæй бакусын. Республикæйы сæргълæууæгæн радзырдтой Дзæуджыхъæуы æмæ Алагиры районы санитарон уавæры тыххæй. Æрдз хъахъхъæныны æхсæнады разамонæг Зураб Майрансаев равдыста æнæзакъон бырондæттæ кæм фæзындысты ахæм бынæттæ. Ныр сæ хъæудзæн ссыгъдæг кæнын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv