Ном ссарынæн

Черменыхъæуы Уæрæсейы Гвардийы оперативон батальоны байгом зынгхуыст æфсæддонты номарæн цыртдзæвæн. Мемориал байгом кодтой æфсæддон хайады ветеранты цæдисы æмæ Уæрæсейы Гвардийы уæнгты хъæппæрисæй. Мадзалы архайдтой Уæрæсейы Гвардийы Цæгат Кавказы зылды къамандыгæнæджы хæдивæг, булкъон Михаил Романов, батальоны къомандыгæнæг, дæлбулкъон Владимир Лисицын, Уæрæсейы Гвардийы республикон разамынды сæргълæууæг, булкъон Рæмонаты Эльбрус, бынæттон администрацийы уæнгтæ æмæ æфсады службæгæнджыты хиуæттæ. Мадзалы архайджытæ се `мкусджыты нæмттæ æрæмысгæйæ иу минут æдзæмæй алæууыдысты. Уæ зæрдыл уын æрлæууын кæндзыстæм, Черменыхъæуы батальон Цæгат Кавказы регионы æхсæнадон æдасдзинад кæй хъахъхъæдта. Батальоны 123 службæгæнæджы схорзæхджын кодтой алыхуызон хæрзиуджытæй, 58-æй - сæ амæлæты фæстæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv