Кремлы заз бæлас фендзысты

36 ирыстойнаг скъоладзауы Мæскуымæ абалц кæндзысты Кремлы заз бæлас фенынмæ. 23-æм декабры дзы сбæрæг кæндзысты сæ уарзондæр æмæ сæйрагдæр бæрæгбон. Цæгат Ирыстоны ахуырад æмæ наукæйы министрады кусджытæ куыд загътой, афтæмæй уырдæм араст уыдзысты сывæллæтты хæдзæртты хъомылгæнинæгтæ, социалон æгъдауæй хъахъхъæд чи нæу, уыцы сабитæ, æфсæддонты, стæй йæ хæс æххæст кæнгæйæ куысты чи фæмард, уыдоны цот. Нæ бæстæйы сæйраг заз бæлас фендзысты, иттæг хорз чи ахуыр кæны, уыдон дæр. Мæскуыйы ма сын бацæттæ кодтой культурон программæ. Бабæрæг кæндзысты космонавтикæйы мемориалон музей, Мæскуыйы планетари æмæ Юрий Никулины номыл цирк. Сывæллæттимæ ацæудзысты ахуырады министрады минæвæрттæ, медицинон хо æмæ пъæлицæйаг. Алы аз дæр Кремлы заз бæлас æрбамбырд кæны 6 мин скъоладзауы бæрц. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv