Монополиты ныхмæ службæйы куысты хатдзæгтæ

Федералон монополиты ныхмæ тохгæнæг службæйы кусджытæ скодтой хатдзæгтæ 2017-æм азæн. Регионалон хайады сæргълæууæг Плиты Роман радзырдта журналисттæн, куыд æххæстгонд цæуынц конкуренцийы, рекламæйы æмæ контракты æлхæныны тыххæй закъæттæ. Фæбæрæг ма кодта, бæрнон ведомство кæй фæкъаддæр кодта чысыл бизнесы сгæрстыты бæрц. Плиты Романы ныхæстæм гæсгæ, уый пайда у экономикæйы рæзтæн уыцы секторы. Æнæ санкцитæй дæр хабар нæ ацыд. Рекламæйы закъонхæлдтыты тыххæй монополиты ныхмæ тохгæнæг службæ ивары хуызы сæмбырд кодта 300 мин сомæй фылдæр. Закъонхæлдтытæ ма разынд паддзахадон æмæ муниципалон хардзæй контрактæ æлхæнгæйæ дæр. Ам та ивартæ æмбырдгонд æрцыд 2 милуан сомæй фылдæр. Ацы куыст у сæйрагдæр службæйæн. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv