Ног скъола

Дзæуджыхъæуы 27-æм скъола бындурон рацарæзты фæстæ байгом. Ацы цаумæ бирæтæ кæй æнхъæлмæ кастысты, уый дызæрдыккаг нæу. Циндзинад æрцыд куыд сывæллæттыл, афтæ ныййарджытыл дæр. Бирæтæн сæ цæссыг дæр æркалд, ахæм рæсугъд бæстыхаймæ куы бакастысты, уæд. Ног ахуыры аз - ног скъолайы. Не сфæлдыстадон къорд федта кадджын мадзал. Бæрæгбоны тымбылджытæ æмæ урс бантытæ. Райсом раджы Кучиты Юрийы номыл 27 скъолаыйы æрымбырд ис бирæ адæм. Ацы аз 600 ахуырдзауæй фылдæр æрбацыдысты ног райдзаст кълæстæм. Семæ сты сæ ныййарджытæ дæр. Цалцæггонд съолайæ се`ппæтæн дæр сæ зæрдæтæ райынц. Бæрæгбонмæ сабитæм æмæ ахуыргæнджытæм æрбацыд нæ республикæйы сæргълæууæг Битарты Вячеслав. Цалцæггонд бæстыхай фенынмæ æрбацыдысты раздæр дзы цы ахуыргæнджытæ куыстой, уыдон дæр. Се хсæн æнусы `рдæг чи фæкуыста, уыдон идæр. Бирæтæ зæгъынц, уырнгæ дæр сæ нæ кодта, скъола афтæ йæ хуыз скалдзæн, уый. Тыджыты Миланæ бахызт 9 къласмæ. Йæ улæфæн бонты йæ фæндыд скъоламæ тагъддæр рбацæуын. Ныр райдзаст къласыл цин кæны. Цалынмæ бæстыхай цалцæг кодтой, уæдмæ ахкыр кодта 28 скъолайы. Цалцæггæнæн куыстыты фæстæ кълæсты скъолайы кълæсты нымæц фæфылдæр - 23-йæ 30-мæ. Уый руаджы сывæллæттæ дыууæ фæлтæры ахуыр кæнын нал хъæудзæн. Ахæм диссаджы куыстытыæ бакæнынæн республикæ æхцайы фæрæзтæ райста федералон программæйы фæрцы. Скъола ифтонг у æппæт хъæугæ ахуырадон-материалон бындурæй. Йе `нæниздзинад хъыгдард кæмæн у, уыцы сабитæн дзы ис хицæн кълас. Скъолайы ис ног спортивон фæз дæр. Ивд æрцыдысты бæстыхайы сæр, дондзæуæн хæтæлтæ, уæдæ æддаг бакаст дæр хуыздæрырдæм аивта. Куыстытæ хъуамæ фæуыдаиккой афæдзы кæронмæ. Фæлæ Битарты Вячеслав хæс сæвæрдта, цæмæй ахуыры азы райдианмæ скъола уа цæттæ. Уый та уый тыххæй, цæмæй сывæллæттæ æндæр скъолатæм ма цæуой, фæлæ сæхи ахуыргæнæндоны къæсæрæй афоныл бахизой. Ахуыргæнджытæн та ныр ис фадат ног кусæнгæрзтимæ æмæ техникæимæ архайынæн. Дзæуджыхъæуы 27-æм скъола рагон у. Бындур ын æвæрд æрцыд 1937 азы. Уый фæстæ иу хатт дæр быдуронæй цалцæггонд нæ уыд. Ныр куыстытæ куыд цыдысты, уымæ йæ цæст дардта нæ республикæйы хицауады сæрдар Тускъаты Таймураз. Арæзтадон æрмæджытæ экологон домæнтæн дзуапп чи дæтты, ахæмтæ. Касаты Таймураз куыстытæ уыдта фыццаг бонæй фæстæмæ. Йæ ныхæстæм гæсгæ алы бон дæр куыстой 100 адæймагмæ хæстæг. Дзæуджыхъæуы 27-æм скъола иунæг нæу. Ахæм æхсызгон хабарыл сæмбæлдысты Елхоты цæрджытæ дæр. Абон уым дæр цалцæггæнæн куыстыты фæстæ байгом 3-æм скъола. Битарты Вячеславы ныхæстæм гæсгæ, социалон ахадындзинад цы объекттæн ис, уыдоны рацарæзт нæ республикæйы дарддæр цæудзæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv