«Движение в будущее», зæгъгæ, фестиваль ацыд профессионалон цæттæдзинады центры. Снысан æй кодтой Цæгат Ирыстоны равзæрды 100 азы бонæн. 200 сывæллоны сæ арæхстдзинад æвдыстой алыхуызон къабæзты. 3D-технологитæ, компьютерон графикæ, гейм-дизайн æмæ æндæртæ. Лекцитæ æмæ дæсныйадæвдисæн ахуыртæ амыдтой дæсны специалисттæ. Ахæм фембæлдтытæ пайда сты фидæны дæсныйад равзарынæн, зæгъынц специалисттæ. Бирæвæрсыг объект скæнынæн æнæмæнг хъæуы кусæнгæрзтимæ æмæ программæтимæ архайын зонын. «3D-модельты мыхуыры бындуртæ» дæсныйадæвдисæн ахуырты сывæллæттæн алцыдæр бæстонæй æвдисынц. Фæзилæнтæ æххæссынц алы къабæзтыл: компьютерон графикæ, гейм-дизайн, видеохъæзтыты 3D - анимаци. Мадзалы архайджытæ æмæ уазджытæн ма бацæттæ кодтой «Алани-2023» равдыст-презентаци. Сæ продукци равæрдтой куыстуæттæ æмæ ахуырадон организацитæ. «Движение в будущее» фестиваль бæрзонд æмвæзадыл саразын къухы бафтыд. Кадрты хъомысы райрæзтыл ныхас цыд сæрмагонд æмбырды. Амыдта йæ парламенты сæрдар Тускъаты Таймураз. Сæ докладтæ бакастысты федералон æмæ регионалон эксперттæ. Проектон архайдмæ сывæллæтты æргом скъолайы ахуыргæнгæйæ раздахын, цæмæй алы ахуырдзауы арæхстдзинад дæр сбæрæг уа. Ахæм у мадзаларазджыты сæйраг нысан. Фестивалы архайдтой 10 командæйы республикæйы алы районтæй. Мария æмæ Ангелинæ адæмы рæгъмæ рахастой уæлæдарæсы хи бренд «Мелви». Сæхи цæттæ кодтой мæй æмæ æрдæджы бæрц. «Движение в будущее», зæгъгæ, наукон-техникон æмæ инновацион хъомысы республикон фестиваль сæмбырд кодта 200 архайæджы. Фæсивæд архайдтой тренингты, сæрмагонд ахуырты, байхъуыстой амалхълмады тыххæй лекцитæм. Ацы æппæт мадзæлтты сæйраг нысан - æрыгон адæмæн баххуыс кæнын фидæны дæсныйад равзарыны фарстайы.