Республикæйы эпидемиологон уавæры фæстаг бæрæггæнæнтæ

Ныр та эпидемиологон уавæры тыххæй. Ивгъуыд суткæмæ рынчындæттæм бахауд 27 адæймаджы. Дзæбæхгæнæндæтты æххуыс исынц 773 адæймаджы, 69 -æй сты реанимацийы. Уый тыххæй хъусын кæнынц республикæйы æнæниздзинад хъахъхъæнынады министрадæй. Æдæппæтæй бацæттæ кодтой 1108 бынаты. Коронавирусæй рынчынты нымæц регионы къаддæр кæны. Горæтгæрон районы дзæбæхгæнæндон кусы нысангонд фæткмæ гæсгæ. Дарддæр цæуы цæрджыты иммунизаци дæр. Ныридæгæн вакцинаци чи скодта, уыдоны нымæц у 206 мин адæймаджы. 40 мин адæймагæй фылдæр та сты, 60 азæй фылдæр кæуыл цæуы, уыцы цæрджытæ. 1 -æм декабрæй райдыдта, низæй чи сдзæбæх, уыдоны реабилитаци дæр. Бæстон цæстдард медицинон туаггуыры хæрзхъæддзинадмæ. Домæнтæн дзуапп дæтты æви нæ, уый бæрæггонд цæуы Уæрæсейы æнæниздзинад хъахъхъæнынадмæ цæстдарды мобилон лабораторийы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv