Фадзайты Æхсарбег хорзæхджынгонд æрцыд «Ирыстоны намыс»-ы майданæй

Республикæйы хорзӕн сгуыхтдзинадтæ æмæ бирæ азты æнтыстджын куысты тыххӕй Фадзайты Æхсарбег хорзæхджынгонд æрцыд «Ирыстоны намыс»-ы майданæй. Йæ хæрзиуæг ын кадджын уавæры радта республикæйы сæргълæууæг Сергей Меняйло. Арфæйы æмæ бузныджы ныхæстæ йын ракодта сæ иумæйаг куысты фæдыл. Фадзайты Æхсарбег йæ фæллойадон куыст райдыдта 1980-æм азы арæзтадон мастерæй. Уымæй фæстæмӕ ахста алыхуызон куысты бынæттæ, разамынд лæвæрдта паддзахадон нысантæн æлхæнинæгты управленийæн, 2016-æм азæй 2021-æммæ уыд республикæйы хицауады сæрдары хæдивæг.