Ног разамонæг «ЦæгатКавказЭнерго»

Цæмæй ацы фарста фæрæстмæ уа, уый тыххæй бакусдзысты профилон уагдæттæ дæр. Зæгъæм, «ЦæгатКавказЭнерго». Уыцы хъуддагыл ныр хъуамæ бакуса йæ ног разамонæг. Абон æй официалон æгъдауæй снысан кодтой. Филиалы ног разамонæг сси Таболты Алыксандр. Раздæр уыди Дыгуры районы муниципалон сконды сæргълæууæг. Уыимæ ма Таболты Алыксандр уыди Цæгат Ирыстоны парламенты депутат. Цæрæнуæтты-коммуналон хæдзарад æмæ арæзтады комитеты уæнгты хсæн дæр архайдта. «ЦæгатКавказЭнерго»- йы куыстмæ дæр раздæр æвæрæн хаста. Дыгуры районы хайады. Уæд куыста пайдагæнджыты фидыны фæтк æххæст кæнынмæ. Йæ хъæппæрисæй 2015 азы сарæзтой проект «Единый расчетный центр». Таболты Алынсандрæй уæлдай ма ног куысты бынаты сбадт Закъаты Хъазыбег. Уый ныр уыдзæн «ЦæгатКавказЭнерго»- йы генералон директоры уынаффæгæнæг. Ног бынаты йæ бæрны уыдзæн куыд ЦæгатКавказЭнергойы хайад, афтæ Цæгат Кавказы МРСК-йы филиал. Раздæр Закъаты Хъазыбег уыди куыстуаты уæй кæныны хайады разамонæг. Ныр йæ хъус дардзæн электрон тыхы комплексы фарстатæм. Стæй пайдагæнджыты фидыны уавæр æххæст кæнынмæ. Ацы фарстатæ регионы уæлдай ахсджиаг сты. Уый тыххæй æмæ нæ республикæйы Цæгат Кавказы регионты хсæн фыццаг райдадзысты иугонд куыст кæнын. Консолидаци кæй хонынц, уый. Куыстуаты, ацы къабазы хъавынц кæронмæ бацархайын. Афтæмæй, дам, хæрдзтæ фæкъаддæр уыдзысты, фыдблызтæй дæр бахизæнæн фылдæр фадæттæ сараздзысты æмæ уæд лæггæдты хæрзхъæддзинад æмткæй райсгæйæ зынгæ фæхуыздæр уыдзыæн. Ахаддзæн тарифтыл дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv