Нывкæнынады студи "Синяя птица" сбæрæг кодта йæ 10 азы юбилей

Цины æнкъарæнтæ, ахуырдзауты бузныджы ныхæстæ æмæ ныййарджыты къухæмдзæгъд. Нывкæнынады студи "Синяя птица" сбæрæг кодта йæ юбилей. Ныр 10 азы сывæллæтты ам ахуыр кæнынц ныв кæнын, æлыгимæ архайын, скульптурæ æмæ нывкæнынады сусæгдзинæдтыл, сфæлдыстадон хъуыдыкæнынадыл. Уникалон методикæ, алы сывæллонмæ дæр хицæн цæстæнгас. Равдысты равæрдтой студийы хæрз чысыл нывгæнджыты куыстытæ. Аивадуарзджытæ сын аккаг аргъ скодтой. Равдыст ныййарджытимæ иумæ бабæрæг кодтой Уæрæсейы сгуыхт нывгæнджытæ дæр. Ацы скъолайы руаджы сывæллæттæ абалц кæнынц рæсугъд сфæлдыстадон бæстæмæ, аивад æнустæм кæм цæрдзæн, ахӕммӕ.