Ног фембæлдмæ

Цъæйы комы лагеры кæронмæ ахæццæ авторон зарджыты фестиваль "Цъæйаг вальс". Арæзт уыд Юрий Визборы номыл. Сочийæ цы уазджытæ ссыд, уыдонæн абон фæндараст загътой республикон наукон чиныгдоны. Мадзалмæ саккаг кодтой æхсæнадон кусджытæ дæр. Музыкалон æгъдауæй бардтæ се `мдзæвгæтæ срæсугъд кодтой зарджытæй. Фестивалы программæ тынг цымыдисаг рауайы æрвылаз дæр. Хæрзбоны ныхæстæ зæгъын уазджытæн Сочийæ æрбацыд 30 адæймагæй фылдæр. Æмбырд аразджытæ сæ зæрдæ дарынц, фидæны дæр сæ фембæлдтытæ афтæ рæсугъд æмæ ирд кæй ацæудзысты, ууыл. Уæ зæрдыл уын æрлæууын кæндзыстæм, 10 бонмæ фестивалы архайджытæ федтой хъæздыг æмæ цымыдисаг программæ - концерттæ, дæсныйад æвдисæг ахуыртæ æмæ æркастытæ. Наталья Куличенко - чиныгдоны кусæг:  «Цъæйы вальсы архайджыты æрбахуыдтам чиныгдонмæ. Сæрмагондæй Сочийæ чи ссыд, уыцы бардтæ æмæ поэтты дæр. Фестивалы фыццаг хатт нæ архайдтой. Тынг æхсызгон нын у, кæй сразы сты æмæ сæ фæндаг махыл кæй ракодтой, уый». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv