Маршрутон такси цæттæ у йæ куыстмæ

Къуыри раздæр уын радзырдтам Джызæлы æхсæнадон транспорты фарстайы тыххæй. Хъæуы цæрджытæ-иу хъаст кодтой, æрлæууæн бынæтты дзæвгар рæстæг кæй арвыстой, уымæй. Фæлæ хъуыддаг зынгæ фæхуыздæр. Промышленность æмæ транспорты министрады фæрцы, стæй нæ телекомпанийы æххуысæй, адæмы амалтæ фæуæрæхдæр сты. Бæлвырддæр хабæрттæ - нæ дарддæры `рмæджы. Джызæлмæ иу иннæйы фæдыл маршрутон такситæ сыффытт кæнынц. Адæм сахатгай уынгты лæугæйæ нал баззайынц. Цæуæг уæд, æндæр æй горæтмæ чи баскъæфа, ахæм чысыл автобус разындзæн. Æрæджы дæр ма ахæм ныхæстæ Джызæлы цæрæгæй ратонын фурды сæрты аленк кæнынæй зындæр уыд. Хабар фæхæццæ республикæйы транспорты министрадмæ. Æгасæй дæр хъæумæ атындзыдтой. Куыд рабæрæг, афтæмæй хъæу маршрутон такситæй цух никуы уыд. Æрмæст сын сæ шофыртæм хъуыд æмбæлгæ цæст дарын. Æнæууæнк джызæйлæгтæ цæмæй фæстæмæ искæуыл æмæ истæуыл сæ зæрдæ дарын райдайой, уый тыххæй сын дзырд радта министрад - транспортæй нал фæтыхсдзыстут, зæгъгæ. Цъуппдзаг маршруткæ, дам, нал фендзыстут. Йæ фæдыл хъæуы уынгты дæр сираг бæхау згъорын нал хъæудзæн Дзæуджыхъæумæ фæхæццæ уæвыны тыххæй. Къæбулты Гия, бригады разамонæг Уæвгæ, афтæ мачи банхъæлæд æмæ шофыртæ се `ппæт ахæм сабыртæ разындысты. Сæ куыстæн сын пълан кæй скодтой, уый алкæй зæрдæмæ нæ цæуы. Чидæртæ дзы фæнд кæнынц сæ бартыл стох кæнын. Ома, дам, бæлццæттæ боны афонты куыд къаддæр кæной, афтæ, дам, мах куыст дæр ивдзæн - маршрутыл, зæгъынц, цæудзыстæм, фылдæр минуттæ не хсæн, афтæ. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv