Бизнес экскурси

Нæ республикæмæ куыстадон балцы ссыд чысыл æмæ йæ къæхтыл хорз чи лæууы ахæм куыстуæтты рæзты департаменты директор Максим Паршин. Райсом нæ республикæйы фыццаг хатт ацæудзæн Цæгат Кавказаг бизнесæн æххуыс кæныны тыххæй конференци. Абон та уазæгæн сарæзтой чысыл экскурси æмæ йын равдыстой ирон бизнес цы уавæры ис, уый. Нæ республикæмæ абон саккаг кодта уазæг. Куыстадон балцы ссыд чысыл æмæ йæ къæхтыл хорз чи лæууы ахæм куыстуæтты рæзты департаменты директор Максим Паршин. Фембæлд амалхъом адæмимæ. Дарддæр та бабæрæг кодта фæсивæдон инновацион сфæлдыстады центр «FABLAB». Уазæгæн радзырдтой сæ куысты сæйраг нысæнтты æмæ фидæны пълæнтты тыххæй. Зæгъæм, сæрдмæ хæстæгдæр центры филиалтæ байгом кæндзысты республикæйы районты. Сæйрагдæр хæс та уыдзæн адæмон аивадон æрмдæсныдзинадты центр саразын. Максим Паршин ма бабæрæг кодта бизнес-инкубатор æмæ куыстуæтты рæзты центр. Йæ къухы бафтыд бирæ ирыстойнаг амалхъом адæймæгтимæ æрныхас кæнын æмæ нæ республикæйы бизнесæн аргъ скæнын. Фæлтæрддзинады тыххæй дзурынмæ рæстæг бирæ нæй. Фæлæ экономикæйы министрады кусджытæ дызæрдыг нæ кæнынц, ацы мадзал сын стыр пайда кæй хæсдзæн ууыл. Максим Паршин республикæйы уыдзæн æрмæстдæр дыууæ боны. Уыцы рæстæгмæ хъуамæ бæрæггонд æрцæуой чысыл æмæ йæ къæхтыл хорз чи лæууы ахæм куыстуæтты рæзты фæндæгтæ, фидæны пълæнттæ æмæ хæслæвæрдтæ. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv