Республикæйы инвестицион программæмæ Хицауады радон æмбырды бахастой ивддзинæдтæ

Республикæйы инвестицион программæмæ Хицауады радон æмбырды бахастой ивддзинæдтæ. Уый тыххæй фехъусын кодта экономикон райрæзты министры хæдивæг Дзоблаты Зураб. Инвестицион программæ нысангонд у ацы азæй 2022-æм азмæ. Цы ногдзинæдтæ йæм бахастой, уыдон баст сты Аланийы аргъуыды 1100 азы бæрæгбонимæ. Кадджын мадзæлттæ фæнд кæнынц 2022-æм азы саразын. Культурон нысаниуæг кæмæн ис, уыцы цыртдзæвæнты рацарæзтæн снысан кодтой уæлæмхасæн фæрæзтæй 18 милуан сомæй фылдæр. Дзоблаты Зураб куыд фæнысан кодта, афтæмæй бюджетон иумæйаг инвестициты бæрцыл ацы хæрдзтæ нæ фæбæрæг уыдзысты. Республикон инвестицион программæйы фæстауæрцгæнæн фæрæзтæ баисты 73 милуан сомæй фылдæр. Уæ зæрдыл уын æрлæууын кæндзыстæм, Цæгат Ирыстоны комкоммæйы инвестицион программæ хицауад сфидар кодта ивгъуыд аз, декабры. Сбæлвырд æй кодтой министрадты, ведомствоты æмæ муниципалон скондты курдиæттæм гæсгæ. 2020-æм азы иумæйаг фæрæзты бæрц у 384 милуан сомæй фылдæр, 2021-æм аз - 371 милуаны, 2022-æмы та - 274 милуан сомы. Хицауады æмбырды ма снысан кодтой фæцæрыны æппынкъаддæры бæрц. 2019 азы уыцы бæрæггæнæн уыд 9 мин 231 сомы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv