Cывæллæтты æдасдзинад

Цæгат Ирыстоны Паддзахадон автоинспекцийы куысджытæ Тæмисчъы реабилитацион центры сывæллæттæн сарæзтой сæрмагонд мадзæлттæ. Радзырдтой сын фæндæгтыл цæуыны домæнты тыххæй. Мадзалы архайдтой Уæрæсейы шофырты æхсæнады минæвæрæттæ æмæ Æдасдзинады лабораторийы тренертæ. Мадзал аразджытæ сывæллæттæн радзырдтой æмæ равдыстой фæндагыл тæссаг уавæрæй хи куыд бахизын хъæуы, уый тыххæй. Стæй фæндæгтыл цæуыны æмæ домæнтæ куыд ахсджиаг сты, уый. Уæлдай æргом аздахтой велосипедтыл цæуыны домæнтæм. Уый тыххæй реабилитацион центры кæрты скодтой сæрмагонд фæз. Уым алкæй бон дæр уыд велосипедыл раст куыд цæуын хъæуы, уый равдисын. Иу хатт ма сын бафæдзæхстой сæрыл, æнæмæнг, æмбæлгæ худтæ дарын кæй хъæуы, уый. Балцы размæ та, велосипедмæ æркæсын. Ахæм лыстæг хъуыддæгтæм фылдæр цæстдард куы цæуа, уæд хи бахъахъхъæнынæн пайда уыдзæн. Зæгъдзыстæм ма уый æмæ профилактикон мадзæлттæ Паддзахадон автоинспекцийы арæх саразынц . _ Мы рядом в: vk.com/irystontv instagram.com/irystontv youtube.com/irystontv twitter.com/irystontv