Курскы тохы 75 азы бон бæрæг кæнынц Уæрæсейы

Курскы тохы 75 азы бон бæрæг кæнынц Уæрæсейы. Уыцы цау бындуронæй аивта Фыдыбæстæйы Стыр хæсты цыд. Курскы къæлæты тох цыд 49 боны. Фæмард дзы 500 мин адæймаджы. Нæ бæстæйы æппæт регионты дæр арæзт цæуынц бæрæгбоны æмæ мысæн мадзæлттæ. Сæ сæйрагдæртæ - Курскы. Мадзæлтты архайы Цæгат Ирыстоны делегаци. Семæ сты уыцы тохы архайджытæ Цалиты Сафарби æмæ Гулуты Хизир, нæ республикæйы ветеранты Советы уæнгтæ æмæ национ ахАстдзинæдты фæдыл министрады кусджытæ. Бæрæгбоны мадзæлтты фылдæр хай цæуы Курскы Уæлахизы проспекты. Райсомæй дзы уыд æфсæддон парад. Æппæты разæй цыдис зындгонд танк Т-34. Æнæхъæн бон горæты цæуынц алыхуызон концерттæ, кинонывты равдыстытæ, ветерантæн та сарæзтой куывд. Адæм дидинджытæ æвæрынц цыртдзæвæнтыл. Цæгат Ирыстонæн дæр ацы бон уæлдай ахсджиаг у. Курскы тохы не республикæйы минæвæрттæй архайдтой 3 мин адæймаджы. Се `рдæг фæстæмæ нал сыздæхт. Сæ ном сын ссардтой Дзæуджыхъæуы дæр. Намысы Аллейы горæты цæрджытæ æмæ æхсæнады минæвæрттæ советон æфсæддонты цыртдзæвæнмæ хæссынц дидинджытæ. Кад кæнынц, абон ма не `хсæн уыцы фыдхæссæг цаутæн æвдисæн чи уыдис, уыцы ветерантæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv