Пенсион фонды дарддæр кусынц мадæлон капиталы æрвылмæйон фиддонтæ райсыныл

Пенсион фонды дарддæр кусынц мадæлон капиталы æрвылмæйон фиддонтæ райсыныл. Куыд хъусын кæнынц, афтæмæй республикæйы цæрджытæн фадат ис сæ курдиæттæ Уæрæсейы Пенсион Фонды кæцы фæндыдæр хайадмæ бахæссын. Ахæм системæйыл архайын райдыдтой 2018 азы. Ацы аз та йæ закъоны бындурыл сфидар кодтой. Ныр æнцайы 418-æм федералон закъоныл. Домæнтæм гæсгæ, курдиат бадæттæн ис дыккаг сывæллоны райгуырдæй афæз æмæ æрдæджы æмгъуыдмæ. Фыццаг афæзы рдæгмæ курдиат куы бадæттой бинонотæ, уæд фиддонтæ сæ бон райсын уыдзæн цы бон райгуырди, уымæй фæстæмæ дæр. 6 мæйæ фылдæр хъæппæрис куы нæ разына, уæд фиддонтæ фиддзысты курдиат цы бон райстой, уæдæй фæстæмæ. Фæрæзтæ цæуынц мадæлон капиталы сертификатæн йæ хицау чи у, уымæ. 2019 азы, мадæлон капиталы æрвылмæй фиддоны бæрц Цæгат Ирыстоны у 9 520 сомы. Уый сывæллонæн фæцæрыны æппынкъадæры бæрцимæ баст у. Ныридæгæн фиддонтæ исынц 190 бинонтæ. Æдыппæтæй Пенсион Фонды регистрацигонд сты 228 курдиаты. Иумæйаг фæрæзты бæрц сси 11 млн æмæ 900 мин сомы. Пайдагæнджыты удæнцойæн ма Пенсион Фонды официалон сайты сарæзтой Мадæлон капиты фиддоны нымайæн. Уый руаджы алкæмæндæр йæ бон у базонын, ахæцайы бæрц бинонтæн цас æмбæлы, стæй æмткæй райсгæйæ иу кæнæ иннæ регионы фиддоны нымæц цас у, уый. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv