Сочи æмæ Ростовмæ цы авиакомпанитæ тæхынц, уыдонæн ратдзысты субсидитæ

Дзæуджыхъæуæй Сочи æмæ Ростовмæ цы авиакомпанитæ тæхынц, уыдонæн ратдзысты субсидитæ. Уый тыххæй фæнысан кодта промышленность æмæ транспорты министр Хайдарбек Бутов хицауады æмбырды. Рейсытæ Сочи æмæ Ростовмæ вæййынц къуыри дыууæ хатты. Хайдарбек Бутовы ныхæстæм гæсгæ студенттæн æфсæнвæндагæй пайдагæнгæйæ лæвæрд цæудзæн льготæтæ. Ныхас цæуы райдиан æмæ уæлдæр ахуыргæнæдæтты студенттыл. Уымæй уæлдай хицауады сконды æрцыд ивддзинæдтæ. Йæ куыст ныууагъта Цæгат Ирыстоны райрæзты агентады разамонæг Плиты Алыксандр. Фæллой æмæ социалон рæзты, стæй паддзахадон исбонад æмæ зæххы ахастдзинæдты министрадты снысан кодтой сæ разамонджыты ног хæдивджыты. Æмбырды ма ныхас кодтой паддзахадон программæтæ куыд æххæстгонд цæуынц, уый тыххæй. Цæрæнуæтты-коммуналон хæдзарад, артаг æмæ энергетикæйы министр Тамайты Майран куыд фæнысан кодта, афтæмæй Дыгуры æмæ Рахизфарсы районты ацы азы æххæст кæндзысты адæмы кæлæтдзаг хæдзæрттæй ногтæм раивыны æмæ горæты æнцонвадат цардархайды паддзахадон программæтæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv