Уæлдай фæкаст

Уый тыххæй министртимæ æмбырды фехъусын кодта республикæйы сæргълæууæг Битарты Вячеслав. Уый руаджы профилон министрадты æмæ бынæттон хиуынафæййады æмгуыстад хъуамæ фæбæстондæр уа. Паддзахадон æмæ национ программæтæ æххæст кæнынæн нæ республикæйæн федералон бюджетæй радих кæндзысты 5 млрд сомы. Уый - иннæ аз. Битарты Вячеслав бахæс кодта æнæниздзинад хъахъхъæныны, ахуырады, спорт æмæ культурæйы, уыимæ цæрæнуæтты-коммуналон хæдзарад æмæ арæзтады объекттæм лæмбынæгдæр æркæсын. Æдæппæтæй сты 60 объектæй фылдæр. Рацараздзысты сæ бындуронæй. 44 федералон программæйæ Цæгат Ирыстон архайы 20-ы. Битарты Вячеслав бадомдта министртæй æмæ комитетты сæрдартæй, цæмæй федералон программæты архайынмæ сæрæндæр уой. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv