Мæздæджы районы агурынц, æбæрæгæй чи фесæфт, уыцы нæлгоймаджы

Мæздæджы районы агурынц, æбæрæгæй чи фесæфт, уыцы 44-аздзыд нæлгоймаджы. Павлодольская станицæйы цæрæг 4-æм декабры изæры 5 сахатмæ 'ввахс резинæ бæлæгъы ныххызт Терчыдонмæ æмæ уыйадыл фесæфт. Абон сгарæн-агурæн операцийы мидхъуыддæгты министрады специалисттæй уæлдай архайын райдыдтой Æнæнхъæлæджы уавæрты министрады сгарæн-агурæн хайады ирвæзынгæнджытæ дæр. Сгарынц куыд Доныбылтæ, афтæ цæугæдон дæр. Æдæппæтæй агурæн операцийы архайынц 18 адæймаджы æмæ техникæйы 3 иуæджы. Ныридæгæн уал цæугæдоны ссардтой бæлæгъы æмæ кæсагахсæны хæйттæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv