Ног регионалон опреатор хъæбæр хауæццæгтимæ куыд кусы?

Дзæуджыхъæуы администрацийы сæргълæууæг Фæрниаты Тамерлан æрдзон æвæрæнтæ æмæ экологийы министрады минæвæрттимæ сбæрæг кодта горæты уынгты сыгъдæгдзинады уавæр. Куыстуат «Спецэкосервис»-ы куыстæй разыйæ баззад. Райсомы 8 сахатмæ Дзæуджыхъæуы уынгтæн сæ фылдæр æфснайд æрцыдысты, бырон раластой. Фæрниаты Тамерлан куыстуаты разамонæгæн бабар кодта, цæмæй сæрмагонд фæткмæ гæсгæ архайой. Не`сфæлдыстадон къорд дæр æй базыдта, сæумæрайсом горæты уынгтæ чи æмæ куыд æфснайы, уый. Сæумæрайсом. Дзæуджыхъæуы афтид уынгты фенæн ис æрмсæст сæрмагонд техникæ. Цалдæр сахатмæ хæдтулгæйы гуыффæ хъæбæр хауæтдзæгтæй байдзаг вæййы. Уый 14 кубометры, сæ уæз 4 та тоннæйы. Цалынмæ иу къорд гуыффæ фæдзаг кæны, уæдмæ иннæ фæсыгъдæг кæны фæндаджы былтæ, къахвæндæгтæ æмæ фæзтæ. «Спецэкосервис»-ы кусæг иунæгæй æнæ машинæйы æххуысæй иу уаддзаг бафснайы. Йæ дæргъ цалдæр километры. Зæгъæм, Хæххон металлургон техникумæй Уæлахизы фæзы онг. Ацы кадрты Италийы уынгтæ 2012 азы. Бæстæйы быроны тыххæй змæстытæ. Ахæм уавæр гæнæн уыд æмæ нæ республикæйы дæр рауадаит. Куыстуат «Эко-Альянс» 2019 азы кæронмæ архайдта куыд регионалон оператор. Хъæбæр хауæтдзæгтæ чи ласы, уыцы куыстуатæй фæхæсджын 142 милуан сомы. Хъуыддаг равзæрстой профилон уагдоны руаджы. Горæт æфснайынц сæрмагонд фæткмæ гæсгæ. Лæггæдты тыххæй тариф та снысан кæнынц республикæйы тарифты службæйы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv