Тагъд сбæрæг уыдзысты Хъæбæлоты Билары номыл премийы лауреаттæ

Хъæбæлоты Билары номыл паддзахадон стипенди райсыныл тох кæнынц 24 адæймаджы. Уыдон сты республикæйы уæлдæр ахуыргæнæндæтты æмæ профессионалон училищæты студенттæ. Кандидатты номхыгъдмæ лæмбынæг æркаст экспертон къамис, Хицауады сæрдар Тускъаты Таймураз йæ сæргъы, афтæмæй. Хъæбæлоты Билары номыл республикон хицауады стипенди у 10 мин сомы. Алы кандидатæн дæр ис йæхи къабазы æнтыстдзинад. Стипендийы лауреаттæ свæййынц наукон, иртасæн, æхсæнадон, кæнæ сфæлдыстадон куысты чи басгуыхт, ахæм ахуырдзаутæ. Тускъаты Таймуразы ныфс ис, се ппæт кандидатæй дæр фидæны хорз профессионалтæ кæй рауайдзæн, уымæй. Экспертон къамис равзæрста 10 кандидатурæйы. Семæ ма уыдзæн сæрмагонд ныхас æмæ уый фæстæ баззайдзæн 6 адæймаджы. Хъæбæлоты Билары номыл республикон стипенди студенттæн у зынаргъ. Фыццаджыдæр, сын сæ фæллойæн аргъ кæй скæнынц, уый тыххæй. Фæлæ йæ финансон хай дæр ахсджиаг у. Ахуыр кæны, равзæрст дæсныйадыл ахадгæйæ куы кусай, уæд дæ фæллой æнæрхъуыдыйæ кæй нæ баззайдзæн, ууыл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv